ဖော်ပြချက်
Live Transcribe & Sound Notifications သည် နားမကြားသူ၊ နားလေးသူများအတွက် Android ဖုန်း (သို့) တက်ဘလက် သုံးရုံဖြင့် စကားသံနှင့် ဝန်းကျင်အသံများ ပိုကြားရအောင် လုပ်ပေးသည်။
စက်အများစုတွင် ဤအဆင့်များဖြင့် Live Transcribe & Sound Notifications ကို တိုက်ရိုက်သုံးနိုင်သည်-
၁။ သင့်စက်၏ ဆက်တင်များအက်ပ်ကို ဖွင့်ပါ။
၂။ ‘အများသုံးနိုင်မှု’ တို့ပါ။ ပြီးလျှင် စတင်လိုသည့် အက်ပ်ပေါ်မူတည်၍ Live Transcribe (သို့) ‘အသံ အကြောင်းကြားချက်များ’ တို့ပါ။
၃။ ‘သုံးနိုင်မှုခလုတ်’၊ လက်ဟန် (သို့) အမြန် ဆက်တင်များသုံးပြီး (https://support.google.com/accessibility/android/answer/7650693) Live Transcribe (သို့) ‘အသံ အကြောင်းကြားချက်များ’ စတင်နိုင်သည်။
အသံ အကြောင်းကြားချက်များ-
• အိမ်၌ဖြစ်နေသော အသံများကို အခြေခံ၍ ဖြစ်နိုင်ခြေရှိသည့် အန္တရာယ် (သို့) ကိုယ်ရေးကိုယ်တာ အခြေအနေများကို အကြောင်းကြားနိုင်သည် (ဥပမာ- မီးခိုးသတိပေးသံ၊ ဥဩဆွဲသံ၊ ကလေးငိုသံ)။
• အသုံးအဆောင်များ အချက်ပေးသံမြည်သောအခါ အကြောင်းကြားချက်ရယူရန် စိတ်ကြိုက်အသံများ ထည့်နိုင်သည်။• သင်၏မိုဘိုင်းစက်ကိရိယာ (သို့) ဝတ်ဆင်ပစ္စည်းတွင် ဖလက်ရှ်မီး (သို့) တုန်ခါမှုဖြင့် အကြောင်းကြားချက်များ ရယူနိုင်သည်။
• ပတ်ဝန်းကျင်တွင် ဖြစ်ပျက်သွားသည်များကို မြင်ရရန် အချိန်မှတ်တမ်းမြင်ကွင်း သုံးပြီး မှတ်တမ်းပြန်ကြည့်နိုင်သည် (လောလောဆယ် ၁၂ နာရီအထိ ကန့်သတ်ထားသည်)။
အချိန်နှင့်တစ်ပြေးညီ စာသားမှတ်တမ်း-
• အချိန်နှင့်တစ်ပြေးညီ ရေးသားပေးသည်။ စကားပြောသည့်အခါ စက်ပေါ်တွင် စာသားပေါ်သည်။
• ဘာသာစကားနှင့် ဒေသိယစကား ၈၀ ကျော်မှ ရွေးပြီး ဘာသာစကားနှစ်ခုအကြား အမြန်ပြောင်းနိုင်သည်။
• အမည် (သို့) အိမ်သုံးပစ္စည်းများကဲ့သို့ မကြာခဏသုံးသည့် စိတ်ကြိုက်စကားလုံးများ ထည့်နိုင်သည်။
• တစ်စုံတစ်ယောက်က သင့်အမည်ကိုပြောသည့်အခါ စက်တုန်ခါရန် သတ်မှတ်နိုင်သည်။
• သင့်စကားဝိုင်းတွင် တုံ့ပြန်မှုများကို စာရိုက်နိုင်သည်။ စက်၏ကီးဘုတ် ဖွင့်ပြီးလည်း စာဆက်ရိုက်နိုင်သည်။ စာရိုက်နေစဉ် စာသားမှတ်တမ်းများ ပြနေဦးမည်။
• ပတ်ဝန်းကျင်ရှိ အသံကျယ်မှုနှင့် ယှဉ်၍ စကားပြောသူ၏ အသံအတိုးအကျယ်ကို ကြည့်နိုင်သည်။ စကားပြောသည့်အခါ အသံအတိုးအကျယ် ညှိရန် ဤအသံအညွှန်းကို သုံးနိုင်သည်။
• အသံလက်ခံမှု ပိုမိုကောင်းမွန်စေရန် ကြိုးတပ် မိုက်ခွက်ပါနားကြပ်များ၊ ဘလူးတုသ် မိုက်ခွက်ပါနားကြပ်များနှင့် USB မိုက်များတွင်ပါသော ပြင်ပမိုက်ခရိုဖုန်းများ သုံးနိုင်သည်။
စာသားမှတ်တမ်းကို ပြန်ကိုးကားခြင်း-
• စာသားမှတ်တမ်းများကို ၃ ရက်ကြာ သိမ်းရန် ရွေးချယ်နိုင်သည်။ သိမ်းထားသော စာသားမှတ်တမ်းများ စက်ပေါ်တွင် ၃ ရက်ကြာ ရှိမည်ဖြစ်၍ ၎င်းတို့ကို အခြားတစ်နေရာတွင် မိတ္တူကူးပြီး ထည့်နိုင်သည်။ (မူရင်းအနေဖြင့် စာသားမှတ်တမ်းများကို မသိမ်းပါ။)
• သိမ်းထားသော စာသားမှတ်တမ်းများတွင် ရှာနိုင်သည်။
• မိတ္တူကူးပြီးထည့်ရန် ၎င်းရှိ စာသားကိုထိ၍ ဖိထားနိုင်သည်။
သတ်မှတ်ချက်များ-
• Android 6.0 (Marshmallow) နှင့် အထက်။
ယူအက်စ်ရှိ နားမကြားသူ၊ နားလေးသူများ၏ ထိပ်တန်းတက္ကသိုလ်ဖြစ်သော Gallaudet တက္ကသိုလ်နှင့် ပူးတွဲ၍ Live Transcribe & Sound Notifications ကို ထုတ်လုပ်ထားသည်။
အကြံပြုချက်ပေးရန်နှင့် ထုတ်ကုန်အပ်ဒိတ်များ ရယူရန် https://groups.google.com/forum/#!forum/accessible တွင်ပါဝင်နိုင်သည်။ Live Transcribe & Sound Notifications ဆိုင်ရာ အကူအညီအတွက် https://g.co/disabilitysupport တွင် ကျွန်ုပ်တို့ကိုဆက်သွယ်နိုင်သည်။
ခွင့်ပြုချက်များဆိုင်ရာ သတိပေးချက်
မိုက်ခရိုဖုန်း- Live Transcribe သည် သင့်ပတ်ဝန်းကျင်ရှိ စကားသံကို ရေးသားရန် မိုက်ခရိုဖုန်းသုံးခွင့် လိုအပ်သည်။ စာသားမှတ်တမ်း လုပ်ပြီးသည့်အခါ အသံကို သိမ်းမထားပါ။ ‘အသံ အကြောင်းကြားချက်များ’ သည် သင့်ပတ်ဝန်းကျင်ရှိ အသံများကို နားထောင်ရန် မိုက်ခရိုဖုန်းသုံးခွင့် လိုအပ်သည်။ လုပ်ဆောင်ချက်ပြီးဆုံးသည့်အခါ အသံကိုလည်း သိမ်းမထားပါ။
အများသုံးနိုင်ရန် ဝန်ဆောင်မှု- ဤအက်ပ်သည် အများသုံးနိုင်ရန် ဝန်ဆောင်မှုဖြစ်သည့်အတွက် သင့်လုပ်ဆောင်ချက်များကို စောင့်ကြည့်လေ့လာနိုင်သည်။
နောက်ဆုံးထွက်ဗားရှင်းတွင် ဘာများ အသစ်ပါလဲ။
• Live Transcribe- ချိတ်ဆက်နိုင်မှုက မည်သို့ပင်ဖြစ်စေ ပိုမိုချောမွေ့စေရန် စာသားမှတ်တမ်းကို ဖွင့်နိုင်သည်။
